CEBU, Philippines - Wa mahimuot si Cebu City Mayor Michael Rama dihang kalit gitangtang si Ofelia Oliva isip provincial treasurer human lamang sa duha ka adlaw nga paglingkod sa pwesto diha sa Kapitolyo.
Nagtoo ang mayor nga ang nahitabo susama lamang sa paghatag og sayop nga paglaum sa usa ka tawo nga nalipay na sa maayong balita apan kalit nakugang. “What they did to her was unfair.
Imagine, you got very happy with a new assignment just to learn that it was removed few days after? How would you feel about it?,†si Rama namahayag. Si Oliva nagsugod isip OIC provincial treasurer niadtong Lunes, human makadawat sa iyang appointment gikan sa Department of Finance apan pagka-adlaw nga Martes gibawi sa maong ahensya ang iyang appointment.
Si Oliva ang kanhi Cebu City treasurer nga misikat tungod sa dancing tax collectors niini nga nakapalingaw sa katawhan nga nakapasaka sa tax collection sa siyudad. (BANAT NEWS)