CEBU, Philippines - Nag-una sa listahan sa mga Sugbuanon sa pagka-senador si Nationalist Party senator-elect Alan Peter Cayetano nga may 6.31% gikan sa nakuhang botos nga 901,013.
Misunod ang pag-umangkon sa atong presidente nga si Benigno “Bam†Aquino gikan sa Liberal Party nga nakakuha og 6.11% gikan sa 871,745 nga botos.
Si Grace Poe (Independent) nga nag-una sa senado ikatulo sa gibotaran sa mga Sugbuanon ug mikuha og 5.93% gikan sa 845,990 nga botos ug sunod si Loren Legarda sa ikaupat nga pwesto gikan sa Nationalist People’s Coalition nga may 5.85% gikan sa 834,455 nga botos.
Nasulod usab sa ikalimang pwesto si Koko Pimentel gikan sa Partido Demokratiko Pilipino Lakas ng Bayan nga may 5.50% gikan sa nakuhang botos nga 785,573.
Ang uyab sa artistang si Heart Evangelista nga si Chiz Escudero (Independent) nabutang sa ika-unom nga pwesto nga may 5.49% gikan sa 783,354 nga botos ug gisundan gikan sa Laban ng Demokratikang Pilipino nga si Edgardo Angara nga may 5.35% gikan sa 764,016 nga botos ug ikapito sa pwesto.
Ikawalo sa pwesto si Nancy Binay gikan sa United Nationalist Alliance (UNA) nga may 5.21% gikan sa 743,486 nga botos nga mao’y gisundan ni Ramon Magsaysay Jr. sa ikasiyam nga pwesto ug nakakuha’g 5.11% gikan sa 729,466 nga botos.
Si Migz Zubiri sa United Nationalist Alliance (UNA) anaa’y 5% gikan sa nakuhang botos nga 713,288 ug nabutang sa ikanapulo nga pwesto.
Ika-onse sa pwesto si “Misis Hanepbuhay†nga si Cynthia Villar sa Nationalist Party nga may 4.85% gikan sa 692,986 nga nakuhang botos.
Samtang sud sa ika-dose nga pwesto si Risa Hontiveros sa Akbayan (Citizens Action Party) nga may 4.37% nga nakuha og 623,950 ka botos. (BANAT NEWS)