CEBU, Philippines - Usa ka kalapati nga nakuryentehan sa power line sa Visayan Electric Company ang hinungdan sa duha ka oras nga brownout ug lima ka oras nga walay tubig sa mga lugar sa Metro Cebu.
Matud pa ni Theresa Gonzales, spokesperson sa VECO nga gikuha sa ilang crew ang maong pati aron mahibalik ang linya sa kuryente.
"The Jaclupan incident this morning was not a scheduled interruption. That was considered an emergency or unscheduled," matud pa ni Gonzales kagahapon.
Tungod sa duha ka oras nga brownout, naapektuhan ang Jaclupan water facility sa Metropolitan Cebu Water District nga hinungdan nga walay tubig sulod sa lima ka oras ang mga lugar duol sa Jaclupan, Talisay City padung ngadto sa Capitol area sa Cebu City.
"Mga five hours gyud usa na restore ang affected areas. Dugay man gud na mobalik ang tubig kung naay power inte[rruption. It takes time pa para ma-build up ang water tubig," matud pa ni Ernie Delco, ang MCWD assistant general manager for operations kinsa miingon nga nakatampo sa dugay nga pagbalik sa tubig ang naguba sad nilang generator. (BANAT NEWS)