CEBU, Philippines - Pipila ka buwan gikan karon adunay pagamugnaon nga “Children’s Playground†alang sa mga kinaraan nga duwa nga Pilipinhon anha sa kilid sa Fort San Pedro tupad sa Plaza Independencia.
Gusto sa mga opisyal sa dakbayan sa Sugbo nga banhawon ang kinaraan nga mga duwa pinaagi sa pagmugna og “playground†luyo sa Fort San Pedro.
Giuyonan sa kadagkoan sa Ramon Aboitiz Foundation Inc. ang hangyo sa Parks and Playground Commission nga ang RAFI maoy mogasto pagbutang og kahimanan sa duwaanan sa mga bata.
Apil sa mga kinaraan nga duwa nga ipahigayon sa maong dapit mao ang sungka, dama, tubig-tubig, takyan, luksong-tinik ug daghan pa.
Adunay mga konsehal nga nangutana kun nganong wala maapil ang duwa nga “siyatong†nga ipahigayon sa maong dapit.
Samtang wala makatubag niini si Konsehal Nida Cabrera nga maoy nangamahan sa resolusyon, apan ang uban nangagpas nga wala iapil ang siyatong kay peligro ang maong duwa.
Ang RAFI uyon nga sila maoy magmugna og sementado nga lamesa nga adunay “built-in†nga sungkaan, lamesa nga adunay damahan, ingon man pag-andam sa dapit nga makahimo og duwa nga tubig-tubig ang kabataan.
Matud ni Cabrera nga pinaagi niining maong playground sa kabataan mahimong molambo ang panagsuod tali kanila ug mapalambo ang kinaraan nga tradisyon sa kabataang Filipino.
Si Mayor Michael Rama mihangop niining maong lakang ug mapasalamaton sa kadagkoan sa RAFI sa pag-uyon nila nga moabag sila sa proyekto sa dakbayan. (/EIM) (BANAT BALITA)