CEBU, Philippines - Usa ka 27-anyos nga Haponesa ang giingong gilugos sa usa ka 21-anyos nga Criminology student sa baybayon sa Barangay Ocoy, sa lungsod sa Sta. Fe niadtong Miyerkules sa hapon.
Sumala pa nga ang biktima nga temporaryong nagpuyo sa Barangay Talisay midangop sa police station human sa hitabo nga miresulta sa pagkadakop sa suspek nga si Loreto Aljon Espinosa sa gilusad nga hot pursuit operation.
SPO1 Shiela Illustrisimo, Women’s and Children’s Police Desk officer sa maong buhatan mibutyag nga naabot sa lugar ang biktima nga usa ka turista tungod kay nangita kini sa Nature’s Park sa Bantayan diin siya nagbakasyon sa tibuok Semana Santa.
Matud pa ni Illustrisimo, wala masuhito ang biktima sa lugar maong dali kining nahaylo sa ‘tabang’ nga gidalit sa suspek.
“Naa pa siya sa Sta. Fe unya ang iyang gipangita kay naa man sa Bantayan layo-layo pa gyud,â€matud pang Illustrisimo sa phone interview.
Ning tungora, matud pa gidala sa suspek sa baybayon ang biktima palayo sa mga kabalayan ug giingnan kining kuyogan sa dapit nga iyang adtoan apan gibaliran kini sa biktima hinungdan sa kasuko sa suspek ug gibaharang patyon kung dili kini mosugot nga makig-sex. Tungod sa kamingaw sa lugar walay nakadungog sa pagpangayo og tabang sa biktima. Pagkahuman sa krimen gibiyaan sa suspek ang biktima. Ang Haponesa miadto sa kabalayan ug didto nagpatabang. Gidala siya sa Sta. Fe District Hospital alang sa medical examination.
Ang suspek gikatakdang pasakaan og kaso karong adlawa. (BANAT NEWS)