Tulisan Gidemalas
CEBU, Philippines — Napakyas ang 21-anyos nga lalaki nga mapuslan ang iyang nakuha gikan sa gitulis niyang duha ka babaye tungod kay naatlan siya sa usa ka nagpatrolyang polis sa downtown area sa siyudad sa Sugbu niadtong alas 2:00 sa kaadlawon sa Huwebes, Hunyo 18.
Ang nadakpan giila nga si Jose Abraham Flores, alyas “Japjap,” 21, residente sa Sitio Bato, Barangay Ermita, Cebu City.
Base sa report, naghulat og sakyanan ang duha ka biktima nga giilang alias Maureen, taga Barangay Kamputhaw, Cebu City ug alias Daisy, taga Barangay Subangdaku, Mandaue City, parehong 22-anyos, diha sa Legaspi Street.
Matud pa kalit silang gisikitan sa suspetsado ug gitionan og armas dayun mando sa paghatag sa ilang mga cellphones.
Nakuha sa suspetsado ang parehong Vivo cellphones sa duha ka biktima nga nagkantidad og P7,000 matag usa.
Apan wala gidemalas ang suspek kay una pa siya makaeskapo nalabyan siya ni Patrolman Christian Lloyd Balais, nga naka-duty niadtong higayona.
Wala makaporma ang suspek ug diretso siyang gidakop.(BANAT NEWS
- Latest
