Driver sa truck nga hapit makaligis og nag motor pasakaan og kaso
CEBU, Philippines — Pasakaan gyud og reklamo ngadto sa Land Transportation Office (LTO-7) ang drayber sa trailer truck nga hapit makaligis sa nagmotorsiklo diha sa Cebu South Coastal Road (CSCR) habig sa Barangay San Roque, Dakbayan sa Talisay niadtong Domingo sa buntag.
Si Jonathan Tumulak, pangu sa City of Talisay-Traffic Operation Development Authority (CT-TODA) nagkanayon nga ang drayber sa truck miangkon kaniya nga giduka gyud kini sa pagmaneho.
Dugang pa ni Tumulak nga kun nahitabo pa nga wala makalihay ang drayber sa truck ug nakapadagan ang drayber sa motorsiklo, grabe gyud ang kadaot nga maangkon niini.
Giisyuhan og reckless driving ang drayber sa truck pero moatubang gyud kini sa taga LTO.
Nitambag si Tumulak sa mga drayber nga unta kung kuwang ang katulog di mokupot sa manobela ug nitambag sa mga operator nga huna-hunaon sab ang kaluwasan sa ilang mga drayber pinaagi sa paghatag og pahuway. (BANAT NEWS)
- Latest
