PCG: Saktong impormasyon sa WPS maoy kinahanglan

CEBU, Philippines — Gipahigayon dinhi sa Sugbu ang West Philippine Sea (WPS) Strategic Communication Workshop in the Visayas aron planuhon ang estratehiya sa gobiyerno pagatubang aning agresibong gipangbuhat sa China sa West Philippine Sea.

Si Commodore Jay T. Tarriela, tigpamaba sa Philippine Coast Guard (PCG) sa WPS miingon nga padayon ang administrasyong Marcos sa pagpatuman sa mga estratehiya sama sa pagpabuhagay sa tibuok kalibotan sa mga ilegal nga gipangbuhat sa China diha sa WPS.

Apil na niini ang pagsabwag og mga tinuod ug dili fake news kabahin sa mga isyu sa WPS aron pagdasig ug pagtigum og suporta gikan sa mga Pilipino ug pagtabang sa nasud nga maprotektahan ang teritoryo niini.

“Ngayon po it’s important for us to understand that WPS matters for every Filipinos. Hindi lang po ito laban nang AFP or PCG o laban ni Pangulong Marcos o laban nang sa administrasyong ito. Ang problema po natin sa West Philippine Ses will not end in this administration. Ito ay patuloy na ating kakaharapin sa mga susunod na mga panahon. Ito po ang dahilan kung bakit natin panindigan ngayon at ipaglaban ang West Philippine Sea. Ang West Philippine Sea po ay parte nang Pilipinas at tayong lahat po ang Pilipino, regardless wherever you came from, taga Cebu man kayo o taga Mindanao or Visayas or Luzon,” matud pang Tarriela sa press conference.

“Ang isyu nang West Phillippine Sea ay laban natin para sa susunod na lahi ng Pilipino kaya dapat po nating suportahan ang atong administrasyon. Huwag tayong magpadala sa fake news or false narratives. Our West Philippine Sea fight is a fight of everyone. Ang laban po nang West Philippine Sea ay laban nating lahat,” dugang pasabot pa sa opisyal.

Matud pa niya, tanang Pilipino gusto nga makabaton og maayo ug malinawong WPS ilabi na sa mga mananagat nga Pilipino nga mao karoy naapektahan sa pagpanghasi sa China didto kanila samtang sila nanginabuhi.

Sumala pa niya, ang tension ug kagubot didto dili binuhatan sa Armed Forces of the Philippines o sa Philippine Coast Guard.

Ang kasamok didto gipasiugdahan sa China nga wala motahod sa International Law.

“It’s them whose actually bringing trouble in the West Philippine Sea,”  dugang pa ni Tarriela.

Sa mga unang interbyu kang Tarriela sa mga tigbalita mibutyag kini dunay mga Pilipinong traydor sa Pilipinas ug adto nidapig sa China.

Sila maoy nagsige og pakatap anang mga fake news ug misinformation bahin sa WPS aron libugon ang mga Pilipino palayo sa interes sa nasud.

Si Philippine Information Agency (PIA) Director General Jose Torres Jr. miingon nga gihimo nila ang maong workshop aron tudloan ang mga information officers sa rehiyon nga mamahimong epektibong suporta pagbutyag sa kamatuoran bahin sa isyu sa WPS.— Gikan sa The Freeman, IBM BANAT NEWS