285 ka pamilya sa Paknaan nakadawat og ayuda

CEBU, Philippines — Nakadawat og tag P5,000 nga cash assistance ang mga molupyo sa Sitio Ganghaan, Barangay Paknaan, Siyudad sa Mandaue niadtong niaging adlaw.

Ang maong sa mga molupyo nga gilangkuban sa 285 ka pamilya ang nalakip sa mga benepisaryo sa Housing Assistance for Underprivileged Sector program sa lokal nga kagamhanan.

Gipasiugdahan ni Mayor Jonas Cortes ang maong programa isip pagtan-aw kanunay alang sa paghatag og tabang ngadto sa mga Mandauehanon nga nanginahanglan

Kini iyang gihimo pinaagi sa paghinay-hinay og hatag og tabang ngadto sa uban pang sektor sa kabarangayan sa dakbayan.

Si Cortes nagkanayon nga daghan pa kaayong tabang ug tinud-anay nga serbisyo ang ipadangat sa kagamhanan ngadto sa mga Mandauehanon.

Sa gihimo nga pag-apod-apod ni Cortes og cash assistance sa mga benepisaryo sa Sitio Ganghaan, Barangay Paknaan iyang kauban ang mga sakop sa konseho nga sila si Maline Cortes-Zafra, Oscar “Oca” Del Castillo Jr., Ernie Manatad, executive secretary to the mayor.

Samatang si Pakanaan Barangay Captain Marissa Tecling nagpasalamat sa gihatag nga suporta ngadto kanila gikan sa kagamhanan sa siyudad. — /BDB (BANAT NEWS)