Mga opisyal sa Ormoc mibisita sa siyudad sa Mandaue
CEBU, Philippines — Gipaambit sa kagamhanan sa Siyudad sa Mandaue ngadto sa Siyudad sa Ormoc ang ilang mga pamaagi nga gihimo kabahin sa Gender and Development Program kun (GAD). Kini atol sa pagbisita sa mga opisyal sa siyudad sa Ormoc niadtong miaging adlaw sa siyudad sa Mandaue. Nag-una nila nga gituki mao ang mga ideya ug pamaagi sa Mandaue City sa pagpatuman sa mga programa may labot sa Gender and Development sama sa dakung pagpakabana sa patas nga pagtagad sa lalaki ug babaye, bata o mga sakop sa LGBTQ.
Ang Gender and Development (GAD) sa Mandaue City padayon nga naghimo og mga plano alang sa dugang kalambuan sa pagserbisyo sa katawhan.
Sila si Executive Secretary to the Mayor Ernie Manatad, City Budget Officer Atty. Giovanni Tianero, City Treasurer Atty. Regal Oliva, Head sa Gender and Development Office Apple Nunez maoy niabi-abi sa mga bisita. — /MEL (BANAT NEWS)
- Latest
