Mobalik sa orihinal nga rota ang prosisyon sa Fiesta Señor

CEBU, Philippines — Mobalik sa orihinal nga rota ang traditional processions sa sunod nga tuig nga Fiesta Señor.

Kini ang gibutyag ni Mayor Michael Rama sa Dakbayan sa Sugbo.

Matud ni Rama nga ang karaan nga rota sa prosisyon mao ang gamiton tungod kay settled na kini. Gibutyag sa mayor nga gimando na niya sa nagdumala sa trabaho sa Bus Rapid Transit nga paspasan ang trabaho sa Osmeña Boulevard alang sa pagpangandam sa mga relihiyoso nga kalihokan sa sunod nga tuig.

Si Rama nagkanayon nga kong dili paspasan ang trabaho sa proponents sa BRT  siya ang mangunay sa pagtrabaho niini.

Sayo pa, ang nagdumala sa Fiesta Señor unang nipahibalo nga posibleng adunay kausaban sa rota sa sunod nga tuig tungod sa pipila ka mga butang nga ilang gitan-an sama sa nagpadayon nga trabaho sa CBRT. (BANAT NEWS)