CEBU, Philippines — Patay ang usa ka lalaking nagbiseklita sa dihang kalit gipusil sa riding in tandem diha sa Sitio Sambag sa Barangay San Vicente sa Lungsod sa Liloan.
Si Police Staff Master Sergeant Jayson Gayo sa Liloan Police Station miila sa biktima nga mao si Richard Lanoria, taga Sitio Cogon sa Barangay San Vicente.
Matud pa ni Gayo padulong sa merkado ang biktima sa dihang gitaparan og motor, ug ang backrider diretsong mipusil sa biktima ug dalidaling misibat pahilayo.
Gidala ang biktima sa tambalanan apan gideklarar kini sa mga doktor nga dead on arrival. Gisusi pa sa kapolisan kun unsay motibo ug kinsa ang nagpusil sa biktima. IBM (BANATNEWS)