Mandaue City milusad og pagpamakuna kontra polio, tipdas
CEBU, Philippines — Gilusad niadtong miaging adlaw sa kagamhanan sa Siyudad sa Mandaue ang pagpamakuna sa mga bata kontra polio ug tipdas nga gipahiayon sa hawanan sa city hall.
Gihimo qang pagpamakuna sa mga bata nga nagpanuigon og 4-anyos paubos ang gilakip sa gibakunahan sa kagamhanan sa maong dakbayan.
Gipasiugdahan sa kagamhanan sa Siyudad sa Mandaue ang pagpamakuna sa pagsiguro sa kaluwasan sa mga bata sa Siyudad sa Mandaue batok sa polio ug tipdas
Nunot niini gidasig sa kagamhanan sa siyudad sa Mandaue ang mga ginikanan nga pabakunahan gyud ang ilang mga anak sa ilang tagsatagsa ka barangay health centers.
Bisan pa man niini ang mga opisyal sa kagamhanan sa maong siyudad ang padayon nga nag-awhag sa mga ginikanan sa pagpabakuna sa ilang mga anak kontra polio ug tipdas.
Si Konsehal Nerissa Soon-Ruiz nga maoy chairman sa committee on health sa konseho kusganon nga nag-awhag sa mga ginikanan sa paglikay sa mga bata sa naglim-aw nga tubig nga posibling nagdala og sakit.
Sumala pa nga tungod sa eskandalo kaniadto bahin sa anti-dengue vaccination daghan sa mga ginikanan ang nahadlok na sa pagpabakuna sa ilang mga anak.
Napun-an pa gyud sa paghugpa sa pandemiya sa Covid-19, milyon-milyong kabataan sa kalibotan ang wala makapabakuna sa hustong edad tungod sa mga lockdowns ug health protocols nga gipatuman sa nagkalain-laing gobiyerno sa mga kanasuran. (BANAT NEWS)
- Latest