Mga girls scout nanglimpiyo ug nananom og mga bakhaw
CEBU, Philippines — Niabot ngadto sa 25 ka garbage bag nga basura ang nakolekta sa mga Girls Scout nga tinun-an sa Mother Mary’s Children School atol sa gihimo nila nga clean up drive diha sa Bantayan, Barangay Tuyom, Siyudad sa Carcar kagahapon sa buntag.
Ang mga tinun-an giubanan kini ni Mayor Patrick Barcenas.
Gipasalamatan ni Barcenas ang mga kabataan sa ilang gihimo alang sa kalikupan.
Matud ni Barcenas nga gamay ra kini nga lihok apan dako og epekto sa kinaiyahan.
Si Barcenas nagkanayon nga mas maayo nga sa linghod nga pangedaron masilsil na sa alimpatakan sa kabataan ang ilang responsibilidad sa kalikupan.
Human sa pagpanglimpiyo sa grupo nitanom usab sila og mga bakhaw.
Ang mga bakhaw dako usab kini og tabang sa mga isda diin mao kini ang ilang pasilungan ug mosagang usab kini sa paghapak sa dagkong bawod. (BANAT NEWS)
- Latest
