Kapolisan sa Minglanilla higpit nga nihatag og siguridad sa Suroy-Suroy
CEBU, Philippines — Malinawon ang unang adlaw sa Suroy-Suroy Sugbo Southern Heritage Trail atol sa ilang pag-agi sa Lungsod sa Minglanilla kagahapon sa buntag.
Kini ang gibutyag ni Police Major Arieza Otida, hepe sa Minglanilla Police Station.
Matud ni Otida nga ang lungsod sa Minglanilla maoy unang lungsod nga gihunongan sa mga bisita nga gipangulohan ni Gobernador Gwendolyn Garcia uban sa 300 ka turista.
Si Otida nipasalamat sa tanang service provider sama sa kapolisan, Bureau of Fire and Protection, tourism, Local Government Unit ug uban pa nga ilang nahatag ang road security ug ang pagsulod sa mga delegate sa ilang lungsod.
Gibutyag ni Otida nga kapin sa 100 ang ilang deployment alang sa siguridad sa mga bisita aron usab mahimong hapsay ang dagan sa kalihokan.
Matud ni Otida nga mohatag sila og road security atol unya sa ikatulong adlaw sa pagbalik sa mga delegate sa Suroy-Suroy.
Human sa duha ka tuig nga nahunong ang kalihokan sa Suroy-Suroy gumikan sa COVID-19 pandemic nabalik na kini sugod kagahapon. — /BDB (BANAT NEWS)
- Latest
