Magpakilimos, manaygon sa sakyanan dakpon sa Mandaue

CEBU, Philippines —  Giitinguha karon sa kagamhanan sa Siyudad sa Mandaue ang paghipos sa mga magpakilimos nga mga Badjao ug sa mga tawo nga adunay kabilinggan sa pangisip nga magsuroy-suroy diha sa kadalanan sa siyudad lakip na sa mga bata nga manaygon sa sakyanan.  Nunot niini, ang City Social Welfare and Services ug ang Mandaue City Enforcement Unit giawhag karon sa konseho kalabot sa pagahimuon nga paghawan sa kadalanan ug sidewalk  sa mga magpakilimos, manaygon tungod kay mahimutang sa kakuyaw ang ilang kinabuhi.

Si  Konsehal Jimmy Lumapas, chairman sa committee on transportation niduso kini og resolusyon nga naghangyo sa maong mga buhatan sa paghimo og mga lakang alang  sa paghawan  sa kadalanan  sa siyudad dili lang sa mga vendor apil na ang mga magpakilimos ug manaygon.

Naglakip sa mga dalan nga masigpatan ang pagpanaygon mao ang A.S. Fortuna   Avenue, M.C.  Btiones, Nolrth Reclamation Area ug Highway Seno. Si Lumapas nihanyo usab sa mga ginikanan sa maong mga bata sa pagbadlong sa ilang mga anak tungod kay nahimutang  sa piligro ang ilang kinabuhi. (BANAT NEWS)