Lahugay gipatuman sa Cebu City Hall

CEBU, Philippines — Dunay nahitabong lahugay sa mga buhatan sa Cebu City Hall ug apil niini ang Cebu City Transportation Office(CCTO) ingon man sa Cebu City Disaster Risk Reduction and Management Office (CCDRRMO).

Si Raquel Arce mao na karon ang pangulo sa CCTO diin gipulihan niini si Paul Gotiong samtang si Harold Alcontin mao na ang pangulo karon sa CCDRRMO.

Matud ni City Administrator Engr. Suzanne Ardosa ang CCTO wala’y department head ug ang ibutang isip Officer-in-Charge kadtong regular employee.

Samtang si Alcontin sa iyahang bahin miingon nga ang inisyal nga naestoryahan nila sa mayor mao ang turnover sa mga activities nga nahan-ay na daan sa Disaster Risk Reduction and Management Office(DRRMO).

Apil na sab ang mga special projects sama sa Gubat sa Baha, pagpangandam sa Sinulog 2023 ingon man ang Kalag-kalag.

Dili na hinoon bag-o alang kang Alcontin ang maong posisyon sanglit sa wala pa kini nahimong pangulo sa CCDRRMO, assistant head siya sa maong buhatan. —/IBM (BANAT NEWS)