CCJ nakadawat og 20 ka water barrels gikan sa fraternity
CEBU, Philippines — Ang Cebu City Jail Annex Building nakadawat og 20 ka water barrels alang sa mga Person Deprived of Liberty (PDL) gikan sa AKRHO-Cebu Grand Council-GodFirstBro Program sa nilabay’ng adlaw.
Ang maong water barrels tipik kini sa pipila ka mga ayuda nga nahatag sa AKRHO diha sa maong facility.
Kini ang gibutyag ni Christopher Sandrae Arbiol Cabigon, chairman sa Cebu Grand Council.
Matud ni Cabigon nga ubay-ubay na ang ilang nahatag nga ayuda sa maong facility diin nakahatag usab sila og stainless water tank nga 6,000 liters capacity human sa bagyong Odette, nakahatag usab sila ug 500 ka reading glasses ngadto sa mga PDL.
Si Cabigon mapasalamaton sa tanang nitabang alang sa kalamposan sa mga proyekto nila sa maong facility. BDB (BANATNEWS)
- Latest