Siyudad motuon sa transportasyon sa Singapore
CEBU, Philippines — Isip pagsuporta sa tinguha ni Mayor Michael Rama nga maangkon ang usa ka Singapore-like Cebu City, ang mga convenors sa umaabot nga “mobility summit” magtuon sa sistema sa transportasyon ug trapiko sa Singapore isip kabahin sa ilang paningkamot sa pagkolekta sa datos agig pagpangandam sa maong plano.
Sa tahu sa Public Information Office (PIO), gibutyag ni Atty. Kent Francesco Jongoy nga susihon ang mga sistema sa Singapore ug tan-awon kung unsa ang mahimomg ma-apply niini sa Dakbayan sa Sugbo.
Si Jongoy maoy executive assistant ni Konsehal James Anthony Cuenco kinsa maoy chairman sa Committee on Transportation and Communication sa City Council.
Atol sa tigom, gitudlo si Jongoy isip pangulo sa TWG.
Dugang pa ni Jongoy nga kinahanglang sutaon ang kasamtangang sitwasyon sa trapiko sa dakbayan aron mahibaw-an kon unsaon pagsagop ang sistema sa Singapore.
Nitambong usab sa TWG meeting si Atty. Rico Rey Francis “Koko” Holganza, ang bag-ong gitudlo nga chairperson sa Cebu City Traffic Management Board ug Coordination Committee.
Kauban niya sila si Ar. Ann Marie Cuizon sa City Planning and Development Office (CPDO), Cebu City Transportation Office (CCTO) OIC Paul Gotiong, Sugbo Bike Lanes Board (SBLB) Chairperson Bernard Maraasin, ug Office of the Mayor Special Assistant Reymarr Hijara.
Ang mobility summit gipaabot nga himoon sa mosunod nga duha ka bulan. MEL (BANATNEWS)
- Latest