Mga sakop sa PB gidestino na og mga komitiba
CEBU, Philippines — Aduna nay tagsa-tagsa ka designation isip chairman ang mga bokal sa nagkadaiyang committee sa provincial board.
Ang hunta probinsyal niaproba na sa designation sa matag bokal isip majority floor leader, assistant floor leader, chairman, vice chairman ug miyembro sa matag komitiba.
Si Bokal Andrei "Red" Duterte maoy nakakuha og daghang chairmanship sa mga committees apil niini ang Committee on Information and Communication Technology; Public Works, Highways and Infrastructure; Tourism; Energy ug Committee on Gender Appreciation and Development.
Gisundan siya ni Bokal Glenn Soco nga adunay upat ka committee chairmanship apil niini ang Committee on Planning and Development; Budget and Appropriations; Commerce and Industry ug Foreign and Local Relations.
Si Bokal John Ismael Borgonia sa 3rd district ug Bokal Raul Bacaltos adunay tag tulo ka committee chairmanship.
Si Borgonia maoy chairman sa Committee on Provincial /Municipal Properties; Environmental Conservation and Natural Resources ug Committee on Ethics.
Samtang si Bacaltos maoy chairman sa Committee on Laws and Review on Ordinances; Complaints and Investigation ug Human Rights and Labor.
Si 3rd district board member Victoria “Tata” Corominas –Toribio mao usab ang chairman sa Committee on Agriculture and Livelihood; Women, Family and Minors ug Committee on Accreditation.
Si Bokal Yolanda Daan mao ang chairman sa Committee on Differently -abled ug senior citizen.
Si Bokal Jude Thadeo Ouano mao ang napili nga chairman sa Committee on Public Safety, Peace and Order and Dangerous Drug Abuse Prevention ug Committee on Higher and Technical Education.
Samtang si ex-officio board member Celestino "Tining" Martinez maoy usab ang chairman sa Barangay Affairs and Rural Development.
Si Bokal Stanley Caminero ang napiling chairman sa Committee on Public Health and Social Services.
Si Bokal Raymond Joseph Calderon maoy chairman sa Committee on Basic Education; Bokal Horacio Franco maoy chairman usab sa Committee on Ways and Means; Bokal Kerri Shimura sa Committee on Arts and Culture; Bokal Cesar Baricuatro sa Comittee on Cooperatives; SK Federation President ug ex-officio board member Jerico Rubio sa Committee on Youth and Sports Development; Bokal Jerome Librando sa Committee on Traffic and Transportation ug si Bokal Michael Villamor maoy chairman sa Committee on Waterworks System and Communication.
Si Bise Gobernador Hilario Davide III wala gihapon kini chairmanship sa mga komitiba sama sa niaging termino niini.
Si Toribio usab ang napili nga floor leader sa provincial board samtang si Ouano maoy assistant floor leader. —BDB (BANATNEWS)
- Latest