Tag-iya og resto bars  gipasidan an pagmintinar  sa health protocols

CEBU, Philippines — Gipahinumduman sa kagamhanan sa Siyudad sa Sugbo ang mga tag-iya og establisamento ilabi na sa mga resto bar nga  kanunay gyud ipatuman ang health protocols ug dili gyud pasudlon ang mga minor.

Sukad niadtong Pebrero, gipatuman sa siyudad ang Oplan Kagawasan busa giablihan na ang tanang establisamento  inubanan sa gitawag nga "shared responsibility" tali sa mga tawo nga manulod ug sa mga operator niini.     

Matud sa chairman sa committee on peace and order sa Konseho sa Siyudad sa Sugbo nga si Konsehal Phillip Zafra   nga bisan pa man og luag na karon ang restriksyon sa Siyudad , kanunay gihapon nga magmabinantayon sanglit

nagpabilin gihapon ang hulga sa COVID-19.

Gihangyo niya ang mga tag-iya og night club nga iseguro gyud nga walay makasulod nga mga minor sa ilang mga

establisamento. Dugang tambag niya sa club owners nga seguradoon nga duna kini numero sa kapolisan ug sa

barangay aron dunay dinalian nga koordinasyon sa higayon nga dunay kagubot nga mahitabo.

Una nang niisyu og direktiba si Mayor Michael Rama nga nag-awhag sa mga establisamento nga mag-umol og

kaugalingong task force o ba kaha departamento nga maneguro nga mamintinar ang pagpatuman sa health protocols ug  ubang lagda.

Nag-roving gihapon sa nagkadaiyang barangay ang mga sakop sa Task Force Kasaligan aron mopahinumdom sa katawhan  sa importansya sa pagtuman sa health protocols. (BANAT NEWS)