Rama makig-alayon  sa DPWH aron masusi  ang mga taytayan

CEBU, Philippines — Makig-alayon si Cebu City Mayor Michael Rama sa Deparment of Public Works and Highways (DPWH)-7 aron

masusi ang mga taytayan dinhi sa Siyudad sa Sugbo. Kini aron masuta kun duna bay angayan nga ayuhon aron malikayan ang dili maayong panghitabo.

Lakip sa susihon kun duna bay karaan na nga mga taytayan nga angayan nga ilisdan.

Nagkanayon si Rama nga sigurado siya nga duna nay kamanduan niini ang DPWH secretary apan siguradohon niya kini pinaagi sa kadagkuan sa DPWH dinhi sa rehiyon.

Makig-alayon sab si Mayor Rama kang Konsehal Jerry Guardo kinsa maoy Chairman sa Committee on Infrastructure sa konseho sa dakbayan sa Sugbo nga mohimo sab og follow up niini.

Kahinumduman si Konsehal Guardo mimando sa Engineering Department sa Cebu City Hall subay na sa pakig- alayon sa Department of Public Works and Highways (DPWH) nga mohimo og joint inspection.

“Naa rabay na observe namo nga there actually certain area nga naay mga dagkong truck nga nag-agi ba, naay mga haul og aggregates or naay development diha and diha sa bukid so we have to make sure nga atoang

existing nga bridge still capable ang ilahang loading bearing capacity if still capabale o maka accommodate sa mga trucks”, sigon ni Konsehal Guardo.

Lakip sa sutaon ang load bearing capacity sa mga taytayan nga sila maoy nigama ug nihatag og pundo.

Nagkanayon si Guardo nga apil sa ilang gimonitor mao ang naa mahimutang sa Pulangbato nga kinahanglan na nga ilisdan.

Aduna nay eskedyul alang sa pagtrabaho diha sa barangay Pulangbato apan naabtan sa election ban hinoon

mao kini ang ilang hatagan og unang pagtagad. (BANAT NEWS)