21 ka tawo sikop sa tigbakay sa Mandaue
CEBU, Philippines — Nadakpan sa kapolisan sa Presinto 3 sa Mandaue City Police Office (MCPO) ang 21 ka tawo sulod sa usa ka semana nilang operasyon batok sa tigbakay sa mga barangay sa Dakbayan sa Mandaue .
Si Police Captain Emmanuel Rabaya, hepe sa Presinto 3 miingon nga ang 21 ka tawo ilang naaktohan nga nagpahigayon og tigbakay sa barangay Paknaan ug pipila sa ilang mga kauban ang naka eskapo pag abot sa mga polis.
Ang mga dinakpan gipasakaan og kaso nga kalapasan sa Presidential Decree 1602 o Ilegal nga sugal.
Laing duha ang nadakpan nga naghupot og 50 gramo nga shabu nga mobalor og P34, 000.
Samtang usa ka babaye nga pusher ang nasikop sa Lungsod sa Liloan atol sa buy bust operation.
Si Police Major Ramil Morpos hepe sa Liloan Police Station miila sa ilang nadakpan nga mao si Gretchel Tagalog, 32 anyos nga taga Purok Lusay, Sitio Suba sa Barangay Poblacion sa maong lungsod. — /MEL (BANAT NEWS)
- Latest
