Duterte nabalakang mobalik na sab ang Ilegal nga drugas

CEBU, Philippines — Nipadayag og kabalaka si Presidente Rodrigo Duterte nga sa panahon nga mobiya o manaog na siya pagkapangulo sa nasud mobalik ang problema sa illegal nga drugas.

“Pagawas nako, paalis na but I’m worried. I’m not saying that nga kun kinsay modaog nila incompetent or not the person who would..kay kaning droga either paghawa nako mobalik ni. Mobalik gyud ni. And its entering our shores, grabe makit-an ninyo every other day, it could not be everyday actually pero kada semana naa gyuy makuhaan og droga unya bilyon. Makit-an nimo tonelada ang package ba..” matud ni Duterte atol sa iyang pagtambong sa joint meeting sa National Task Force and Regional Task Force to End Local Communist Armed Conflict (NTF-RTF-ELCAC) sa Region 7 didto sa Lapulapu niadtong Marso 31.

Matud ni Duterte nga sa pagkatap sa illegal nga drugas gikan Luzon Visayas ug Mindanao “magproblema gyud ta” sanglit matud ni Duterte moresulta kini sa mga heinous crimes sama rape ug pagpatay.

“Kamong mga mayor nahibalo mo ana and the heinous crimes that these drug addicts mang-rape og anak…” matud ni Duterte.

Ang pakigbatok sa illegal nga drugas maoy usa sa pinakadako nga programa sa administrasyon ni Duterte sukad sa iyang paglingkod niadtong 2016.

Atol sa maong tigum iyang gihisgotan ang gubat sa Ukraine ug Russia nga kun moawas sa Asya maapektohan niini Pilipinas.

“But I also realize na kung magka gyera talaga, spill over, pag mag nuclear …tinaaman ang Russia ng nuclear o ang Russia nauna pagtira, then there’s gonna be a serious problem, and China will not just sit idly there. Babanat rin siya, kukunin niyan ang Taiwan. Ang problema, ang Pilipinas, tatamaan din tayo. There’s a full scale war kasi merong mga Amerikano dito,” matud ni Duterte.

Matud niya kung mahitabo kini, andam siyang ipagamit ang tanang military bases sa Pilipinas para sa Amerika. Si Duterte nagkanayon gikatakda sila magestorya ni President Xi Jinping inig ka Abril 8. (BANAT NEWS)