CAD miabag sa City Jail alang sa pagpananum
CEBU, Philippines — Giabagan sa Cebu City Agriculture Department ang Cebu City Jail- Male Dormitory alang sa pagmugna og mga container garden nga kabahin sa programa nga urban food production.
Ang CAD mihatag sa maong pasilidad og mga gamit sama sa vegetable seedlings, garden soil, abuno ug farm tools.
Gikampanya sa maong buhatan ang kamahinungdanon sa pagpananom gamit ang mga recycled containers.
Gani giawhag usab sa CAD ang uban pa nga mga grupo o institusyon nga modangop lang sa ilang buhatan alang sa gusto masayod sa maong programa.
Sa nangaging interview , una na nga gipadayag ni Konsehal Phillip Zafra, chairman sa committee on agriculture sa Konseho sa Siyudad sa Sugbo nga walay puas ang mga programa nga kabahin sa gipalig-on nila nga food security.
Nasayran nga pipila na ka mga eskwelahan ang nag-umol usab og urban gardening.
Giawhag sa CAD ang mga tagbalay nga mananom gyud bisan unsa pa kagamay ang ilang area.
Pinaagi sa paggamit og mga recycled nga sudlanan, mahimo ra gyud nga makapananom ug dako nga lugar ang madaginot niini. MEL (BANATNEWS)
- Latest
