Kompaniya nga apil sa gireklamo sa mga kapitan mosang-at og kaso

CEBU, Philippines — Nagtinguha pagpasaka og kaso ang Heritage Muebles Mirabile Export, Inc. batok sa midaut sa pangan sa ilang kompaniya nga giakusahan nga nakahimo og kahiwian.

Kini may kalabutan sa gisang-at nga kaso sa mga barangay kapitan sa Dakbayan sa Lapu-lapu kalabot sa nakuha niini nga kontrata sa pagsupply og pagkaon ingon man non-food item sa siyudad nga kabahin sa COVID-19 response aid sa dakbayan.

Segun sa ilang statement gitun-an na sa ilang mga abogado ang pag-sang at og kasong sibil ug administratiba batok sa mga misang-at og reklamo nga way basihan og gituyo lang aron pagdaut sa ilang pangan.

Bisan og wa pa sila kadawat og kopya sa complaint apan gituyo nila nga mopagawas og statement ug andam usab sila sa pag-atubang sa maong reklamo. Kahinumduman sayo ning buwana pito ka barangay captains sa dakbayan sa Lapu-Lapu  nga gipanguluhan ni Eduardo Cuizon ang misang-at og kasong graft ingon man malversation of funds ngadto sa Ombudsman batok sa mga opisyales sa Heritage ingon man ni Mayor Junard Chan ug laing walo pa ka opisyal sa siyudad.

Ang reklamo naggumikan sa gi award nga kontrata sa kagamhanan sa Dakbayan sa Lapu-Lapu nga mobalor og P47 million ngadto sa Heritage niadtong tuig 2020.

“We are confident that the truth will dispel any allegation made against our company. In many years we conducted our business, we take pride in the fact that we have remained fair and honest in all our dealings.

We trust in our justice system and the truth will be our guiding light,” tipik sa statement sa Heritage. The Freeman/MEL