Kanhi Mayor Labella nahatagan og labing taas nga award

CEBU, Philippines —  Labing taas nga pasidungog gihatag ngadto kang anhing Mayor Edgardo Labella sa siyudad sa Sugbo atol

pagtapos sa selebrasyon sa ika- 85th Charter Day niadtong Huwebes sa gabii.

Si Cebu city Mayor Michael Rama nihatag sa award nga Order of Rajah Humabon alang kang Labella.

Gihimug-atan sa Kagamhanan sa siyudad ang dakong kontribusyon ni Labella sa natad sa panerbisyo kinsa

nagsilbi usab kini isip konsehal, bise mayor hangtod nga nahimong mayor.

Sa pakighinabi sa Banat  News , gibutyag sa head sa City Cultural and Historical Affairs Office (CHAO)

nga si Bryner Diaz nga dili gyud malimtan sa katawhan ang lapad nga dedikasyon kaniadto sa nipanaw nga mayor kun

maghisgot og serbisyo ngadto sa mga konsituwente niini.

Gani sa habig sa CHAO, giingong nihatag gyud og lapad nga suporta si Labella sa mga programa sa maong buhatan.

"Tinud-anay gyud siya nga nanalipod sa atong heritage. Supportive usab siya sa pagpalambo sa arts and culture," matud pa ni Diaz.

Kahinomduman nga nipanaw si Labella niadtong Nobiyembre 19, 2021 gumikan sa "septicshock secondary to pneumonia".

Samtang si kanhi city administrator Floro Casas, Jr. nipadayag usab sa iyang pagpasalamat sa kagamhanan

sa paghatag sa maong award ngadto kang Labella. (BANAT NEWS)