Kanhi mayor sa Aloguinsa gikonbikto

CEBU, Philippines — Gikonbikto sa Sandiganbayan ang kanhi mayor sa Aloguinsan nga si Augustus Caesar Moreno sa kasong graft and corrupt practices act may labot sa transakyon sa munisipyo pagpalit og food supplies ngadto sa AVG Bakeshop nga mokantidad sobra P200 mil.  Ang maong bakeshop gipanag-iya sa asawa Caesar nga si Cynthia Moreno nga kaniadto nahimo sab nga mayor sa maong lungsod.  Matud pa si Caesar sa dihang siya na ang nahimong mayor sa lungsod nagpadayon sa pagpalit og food supplies sa maong bakery gamit ang pundo sa lungsod.

“Clearly, accused Augustus Moreno actually participated or intervened in his official capacity in connection with his interest in the transactions of the municipality of Aloguinsan with AVG Bakeshop,” tipik sa 38 ka pahina nga desisyon sa korte.

“His participation is evident throughout the procurement process, from initiating the procurement of food supplies to signing the disbursement vouchers and other procurement documents, thereby showing his actual intervention to the transactions. As Municipal Mayor and Head of Procuring Entity, his participation was indispensable considering that the award of contracts and payment and payment to AVG Bakeshop could not have been made without his signature and approval,” pagbasa sa decision sa Sandiganbayan nga gipirmahan ni Associate Justice Ronald Moreno.

Apil usab nga gikombikto ang asawa ni Moreno ug mga kaniadto sakop sa Bids and Award Committee sa lungsod nga silang Evangeline Manigos, Pepito Manguilimotan, Novela Villegas, Marilyn Flordeliza ug Gertrudes Ababon gipapa-aresto sa korte. Silang Caesar ug Manigos gisentensyahan sa Sandiganbayan 3rd Division og unom ngadto sa 20 ka tuig nga pagkapriso ug perpetual disqualification to public office. Ang desisyon gipagawas Pebrero 22, 2022. —IBM (BANATNEWS)