Pabuto dili gihapon tugotan sa pagsaulog sa Chinese New Year

CEBU, Philippines — Gianunsiyo kagahapon ni Cebu City Mayor Michael Rama  atol sa iyang press conference nga dili gihapon tugtan ang fireworks , pyrotechnics  ug  firecrackers sa pagsaulog sa  Chinese New Year. Nagmalaumon si Rama nga tumanon kini sa katawhan tungod kay alang usab kini sa kaayohan sa tanan.

Gikataho nga ang pag-ban sa mga pabuto gipatuman usab kini niadtong pasko ug bag-ong tuig. Tumong niini nga malayo sa peligro ang katawhan ilabi na sa sunog.

Sa mao usab nga pamaagi malikayan usab ang mga aksidente sama sa pagkaangol sa lawas.

Human sa bagyo nidako usab ang area sa  fire hazards ilabi na nga aduna pay

gipang-ayo nga mga kuryente hinungdan nga ang ubang lugar padayon gihapon nga nakatagamtam og kangitngit.

Adunay mga nagkatipon-og usab nga mga kahoy ug ubang materiyales gikan sa nangaguba nga balay ug uban pa nga kuyaw kaayong maigo sa sunog.

Samtang ang uban wala pa nabalik ang normal nga agas sa tubig. (BANAT NEWS)