Bag-ong pangu sa CCDRRMO mag imbentaryo sa ilang buhatan
CEBU, Philippines — Mohimo og inventory sa ilang opisina ang bag ong milingkod nga pangu sa Cebu City Disaster Risk Reduction and Management Office CCDRRMO nga si ret. Bureau of Fire Protection General Aderson Comar.
Nasayran si Comar milingkod na sa iyang bag ong pwesto kagahapon Enero 20, 2022 kinsa mihulip sa pwesto nga gibiyaan ni kanhi Apas Barangay Captain Ramil Ayuman.
Si Ayuman gitudlo isip Assistant Secretary sa Department of Social Welfare and Development DSWD ni president Rodrigo Duterte.
Suma ni Comar nga lakip sa iyang himoon mao ang inventory sa personnel, manpower, mga ekipos kun magamit pa ba kini o dili na.
Lakip sa iyang susihon ang mga rescue equipment ug ang pagpaayo sa nangaguba nga mga ekipos.
Magtukod usab siya og grupo sa mga responders, barangayan bayanihan, boluntarismo apan tanang tawo motabang.sa pagpanglimpyo aron mahapsay ang sistema.
Gitug-an ni Comar nga mohimo sab sila og training sa mga volunteers ug lakip ang pakig- coordinate sa ubang CDRRMO aron dunay makatabang sa higayon nga dunay kalamidad. —MEL (BANATNEWS)
- Latest
