Sara “nangulitawo” sa LMP-Central Visayas
CEBU, Philippines — Nihangyo si Vice Presidential candidate ug Davao City Mayor Sara Duterte - Carpio sa mga miyembro sa League of Municipalities (LMP) sa Central Visayas pagsuporta sa tandem nila ni kanhi senador Bongbong Marcos Jr. kinsa nilansar pagka Presidente sa umaabot nga 2022 elections.
Sa iyang mga mensahe sa mga mayor sa Central Visayas kagahapon, si Duterte- Carpio nagkanayon nga niuyon siyang makapares ni Marcos tungod sa kasinatian sa naulahi isip lider ug nga kini makabarog sa desisyon niini kun mapiling chief executive. “Importante man gud sa akoa as Vice Presidential candidate nga ang akong ka tandem duna siyay experience sa executive position na trabaho, kapitan mayor, gobernador kay mao ni sila ang mga posisyon nga anad og decision making,” matud ni Duterte - Carpio.
Si Marcos nahimo kining four termer governor, congressman ug senador. Si Duterte - Carpio ug Marcos maoy guest sa regional conference sa LMP Central Visayas sa Parklane Hotel, Cebu city.
“Pero ako mauwaw gyud ko mohangyo para sa akong kaugalingon, pero naa naman ko dinhi nagtindog naman ko sa inyong atubangan, dili na ni nako palampason, ang panahon nga dili mosulti sa inyoha .Ang amoang hangyo ug akoang hangyo sa inyoha nga idiretso ninyo ang Bongbong-Sara tandem,” matud ni Duterte – Carpio.
Wa pay giluwatang pamahayag ang liderato sa LMP-CV bahin sa hangyo sa duha.— IBM (BANATNEWS)
- Latest