Dog pound sa Asturias palambuon
CEBU, Philippines — Usa ka komitiba ang giumol sa Lungsod sa Asturias aron maghimo og imbestigasyon kalabot sa nahitabo sa mga gipang impound nga iro sa lungsod nga wala maaatiman ug gani aduna pay nangamatay sa tangkal ug ang uban gikaon sa ubang mga iro.
Usa ka executive order ang giluwatan ni Mayor Antonio Pintor aron pag imbestigar sa nahitabo.
“This Office sees the need to investigate the veracity the reports and the circumstances surrounding its (dog) death,” pagbasa sa EO ni Pintor penetsaha niadtong Nobyembre 4, 2021.
Ang komitiba gimandoan nga mohimo og report ug rekomendasyon sulod sa 20 ka adlaw kun unsaon pagdumala ang dogpound subay sa ilang ordinansa.
Ang ordinansa nga gipasabot mao ang Asturias Dog Care and Anti-Rabies Ordinance of 2010. Ang Office of the Municipal Agriculturist maoy gitahasan nga mopatuman sa maong ordinansa sa lungsod.
Ang chairman sa komitiba mao si konsehal Augustus Kiamko kinsa maoy chairperson sa Committee on Agriculture samtang ang mga membro sa komitiba mao sila si konsehal Orlando Magbanua, Linbird Cayson, Resalde Climaco ang Municipal Health Officer ug Marianee Gabriel. —IBM (BANATNEWS)
- Latest
