Fishport gitukod sa Boljoon
CEBU, Philippines — Usa ka pantalan ang gitukod sa lungsod sa Boljoon nga magamit alang sa mga pasaheroan nga mga barko ug ingon man sa mga mananagat aron makalabang-labang sa mga kasikbit nga probinsya.
Ang maong pantalan gigahinan og P31 milyones sa BFAR ug sa LGU. Sumala sa report sa Provincial Information Office nga tumong sa proyekto ang pagmonitor sa kuha sa mga isda ug gipanglantawan nga mahimo usab nga agianan alang sa mga gusto mobisita sa lungsod.
"Paningkamotan ni nato kun unsa atong mapaabot ani, asa ni sya moabot, adto ba'g Bohol, Siquijor, Dumaguete.
Kun unsay maayo matabang sa katawhan nga at least sila pud moduaw pud sa atong lungsod sa Boljoon hilabina ang Boljoon heritage at least naa na silay kadunggoan," matud ni Mayor Merlou Derama.
Si Gobernador Gwendolyn Garcia kinsa nitambong sa pagbukas sa pantalan niadtong Oktubre 27 nagkanayon nga dako ang matabang sa maong pantalan hilabina sa pag-uswag sa ekonomiya. —IBM (BANATNEWS)
- Latest