Nagpuyo sa kasapaan sa Mandaue pabalhinon

CEBU, Philippines — Nagplano ang kagamhanan sa Dakbayan sa Mandaue nga ibalhin ang mga informal settler nga nagpuyo diha sa Tipolo Creek alang sa pagpatuman sa flood control project niini.

Si Mandaue City Mayor Jonas Cortes nag-awhag na kang Atty.  Johnbee Biton, officer in charge sa Housing Urban and  Development Office (HUDO) sa pagsuta sa gidaghanon sa mga informal settler alang sa pagbalhin niini sa laing lugar o hatagan og tabang sa kagamhanan.

Sa nasayran ang Department of Public Works and Highways (DPWH) mitugyan na sa mokabat sa P20.6 milyones nga tseke alang sa pagpatuman sa Metro Cebu flood control project ug drainage improvement nga pagahimoon niini.

Ang tipik nga bahin sa maong kantidad maoy gamiton alang sa galastohan sa pagpabalhin sa mga ma-apektohan nga nagpuyo duol sa Tipolo Creek ug ingon man ang pagpalawom sa creek ug widening project nga pagahimoon.

Si  Mayor  Cortes miingon nga nagsugod na ang siyudad sa paghawan  sa mga nakaali sa maong lugar apil na ang paghawan sa mga informal settler nga nahimutang duol sa sapa sa Barangay Cetro, Guizo, Mantuyong, ug ingon man sa Barangay Tipolo.— MEL (BANATNEWS)