Greenhouse facility tukoron sa Siyudad sa Sugbo
CEBU, Philippines — Gihimo na sa milabay nga adlaw ang ground breaking ceremony sa 500 square meters nga Greenhouse Facility didto sa Barangay Taptap, bukirang bahin sa Siyudad sa Sugbo.
Giumol kini sa Cebu City Agriculture Department nga gipangulohan ni Jonil Matuguina ug inubanan usab sa Department of Agriculture (DA).
Ang maong proyekto dunay water irrigation nga gigahinan og dul-an sa P2.3 million ug sa higayon nga mahuman, i-turnover kini sa Farmer’s Association.
Suma pa ni Konsehal Phillip Zafra kinsa chairman sa committee on agriculture sa Konseho, nga ang siyudad maoy motagana sa yuta, samtang ang DA maoy mosuporta sa pinansyal nga aspeto.
Nagkanayon si Zafra nga ang proyekto kabahin sa food security program sa Siyudad sa Sugbo. MEL (BANATNEWS)
- Latest
