Magtiayong Osmeña, BOPK lineup niduso na’g COCs
CEBU, Philippines — Niduso na sa ilang certificate of candidacy ang nahibiling mga kandidato sa Bando Osmeña Pundok Kauswagan (BOPK) kagahapon sa buntag pinangulohan sa ilang kandidato sa pagkamayor nga si kanhi Konsehal Margarita Osmeña, samtang ang iyang bana nga si kanhi mayor Tomas Osmeña niduso sab sa iyang COC pagka-kongresista sa south district. Si Osmeña miingon nga kun siya palaron prayoridad niyang matarong ang pagdumala sa City Hall ingon man usab ang paghingusog sa health program.
“We have to have a good housekeeping before we can start anything. The rest will be identified as we go along. Of course, number is one is health karong panahona nga nag-atubang ta sa pandemic,” nagkanayon si Osmeña.
Ang ilang mga kandidato pagka- konsehal sa north nga ni-file og COC mao sila si Alvin Dizon, Nestor Archival ,Sisinio Andales, Alvin Arcilla, ug Arturo Barrit.
Samtang sa south kay sila si Gremar Cabingatan Barete , Clifford Jude Niñal Roberto "Bob" Cabarrubias ; Bea Osmeña, Omar Kintanar ; Cornelio Jaca, ug Pie Abella.
Una na nga niduso sa miaging adlaw ang ubang kandidato sa BOPK nga pagka- -konsehal nga sila si Joy Young, Yayoy Alcoseba , ug Lea Japson.
Ang kandidato nila pagka-bise mayor mao si Liga ng mga Barangay -Cebu City Chapter President nga si Franklyn Ong ug pagka-kongresista sa north district si Cutie del Mar.
Sa pagsulat niining balitaa , wala pa mo-file sa iyang COC si kanhi Konsehal Mary Ann delos Santos kin gidungog nga magpapili sa susama nga posisyon nga sakop usab sa BOPK.
Samtang si Kongresista Bebot Abellanosa, nihatag og katin-awan kalabot sa wala niya pagdayon og dagan pagka-mayor bisan pangangkon pa niya naguna siya sa survey itandi kang acting mayor Michael Rama.
"It's not all about nitalaw ta or nahadlok ta kay, categorically, I was leading Mike Rama by at least 20 to 25 percent in the survey and syempre bag-o pa ta sa North, dunay mga sensitibo sa atoang papel, mao na nga kinahanglan mo campaign si Margot Osmeña. I voluntarily give way," matud pa ni Abellanosa. —IBM (BANATNEWS)
- Latest