1 sikop sa buy-bust operation sa Liloan

CEBU, Philippines — Mokabat sa P102,000 nga kantidad sa gituohang shabu ang nasakmit gikan sa pusher nga nadakpan sa buy bust operation sa kapolisan sa Purok kalubihan, Barangay Cotcot, Lungsod sa Liloan.  

Ang nadakpan giila nga si Geno Dionaldo Pilapil, 33 anyos nga nagpuyo usab sa nahisgutang dapit.                                  

Si   Police Lieutenant Colonel Jeorge Francis Rodrin, hepe sa Provincial Intelligence Unit sa Cebu Provincial Police Office (CPPO) maoy nangulo sa buy bust operation kauban sa Municipal Drug Enforcement Unit sa Liloan Police Station.                         

Naglakip sa mga ebidensiya  nga nakuha gikan kang Pilapil mao ang 15 ka gramo nga shabu, ug P3,500 nga boodle money.

Gibilanggo na sa detention cell sa Liloan Police Station si Pilapil samtang nagpaabot sa pagpasaka og kaso batok kaniya. MEL (BANATNEWS)