49 sikop sa operasyon sa CCTO
CEBU, Philippines — Girespondehan sa Cebu City Transportation Office (CCTO) kagahapon sa buntag ang daghang reklamo nga ilang nadawat kalabot sa giingong mga motorsiklo ug habal-habal diha sa Barangay Talamban nga walay saktong rekisitos.
Base sa post sa CCTO sa ilang social media account, daghan matud pa sila og nadawat nga reklamo nga kasagaran sa mga naghabal-habal sa maong dapit walay rehistro ug lisensya.
Atol sa ilang operasyon, moabot ngadto sa 49 ka mga citation tickets ang ilang na-isyu.
Gitataw sa CCTO nga dili lalim karong panahona ilabi na kun madisgrasya, wala gyuy kasandigan o insurance ang mga motorista nga wala mopa-rehistro sa ilang mga unit o ba kaha walay lisensya.
"Dapat gani kamo malipay nga kami ga pahimangno kaninyo ug pag tul-id sa hiwi nga binuhatan," tipik sa statement sa CCTO.
Ang bayranan sa violators base sa nalatid sa Land Transportation Office (LTO) kun diin P12,000 sa walay registration , P3,000 sa way lisensiya , ug P1,500 sa walay helmet ". —MEL (BANATNEWS)
- Latest