Polis sa Talisay nga nakauli og kwarta gidayeg
CEBU, Philippines — Usa ka polis sa Dakbayan sa Talisay ang nakadawat og mga pagdayeg gumikan sa iyang pagkamatinud-anon.
Si Patrolman Alexis Vincent Gainsan nadestino sa Police Community Precinct nanglimpyo sa gawas sa ilang buhatan dihang iyang nakita ang pitaka nga adunay sulod nga mga ID ug salapi nga mokabat sa P4, 160.
Dali nga gi-contact ni Gainsan ang tag-iya sa maong pitaka nga si Roy Ronel Roca Ero ug maoy hinungdan nga nauli ang maong butang.
Mapasigarbohon ang kapulisan sa Dakbayan sa Talisay sa maong buhat ni Gainsan nga naghatag og maayong ehemplo.
“The action of Pat Gainsan is a reflection of the value of honesty of the police officers of the City of Talisay Police force and the entire PNP organization,” tipik sa post sa Kapulisan sa Talisay. —MEL (BANATNEWS)
- Latest