Pasil Fish vendors mopetisyon bahin sa curfew

CEBU, Philippines — Maapektahan ang operasyon sa Pasil Fish Port niining giluwatang Executive Order No. 136 nga gipagawas ni Cebu City acting mayor Michael Rama tungod kay kaadlawon palang magsugod na ang trabaho diha sa maong pasilidad.

Sa bag-ong kamandoan, ang curfew gihimong alas-10 sa gabii hangtud sa alas-4 sa kaadlawon. Apan ang operasyon sa maong merkado matud pa ni Cebu City Market Administrator Irvin Cabales magsugod ala-una palang sa kaadlawon.

“Ang kaning diri sa Pasil kaning phase 1 ug phase 2 nato mao gyuy problema kay ang kusog gyud nila between 11 pm to mga 5 o’clock so shoot gyud siya sa curfew hours,” si Cabales miingon.

Dunay plano karon ang mga fish vendors nga moduso og petisyon aron masolusyonan ilang problema.

Kun wala nay tawong makagawas alas-10 sa gabii wala na say makapangompra diha sa Pasil Fish Port.

Hinuon matud ni Cabales ang mga fish cars nga maghatud og isda ug kadtong dinaghan kun mangompra gihatagan na og stickers aron sila makasulod sa merkado.

Sa pagkakaron, ang Carbon Public Market nibalik pagpatuman sa

‘one entrance, one exit’ policy aron makontrolar ang pagsulod sa maong merkado.— IBM (BANATNEWS)