Pagpangrehistro sa Comelec matapos sa Septiyembre
CEBU, Philippines — Gikatakdang karong Septiyembre 30, 2021 ang deadline sa voter’s registration sa Commission on Election. Ang Comelec nigama og pamaagi aron daghang magparehistro ug makabotar sa umaabot eleksiyon sa Mayo 9, 2022. Matud ni Election Assistant Omar Mamalinta nga aduna sila’y pagahimuon nga satellite registration sa malls.
Gipahibawo ni Mamalinta nga ang Comelec Cebu City adunay memorandum of agreement tali sa Robinson’s Land Corporation hinungdan nga adunay ipahigayon nga voter’s registration diha sa Robinson’s Cybergate sa September 11, 18 ug 25 alang sa mga residente sa north ug south district.
Sa Septiyember 27, 28, 29 ug 30 ang voter’s registration adto ipahigayon sa Robinson’s Galleria.
Gawas niini, mohimo usab og voter’s registration ang Comelec diha sa Ayala Center Cebu karong Agosto 20, 2021 alang lang sa mga residente sa north district ug sa August 14, 2021 ipahigayon ang voter’s registration sa samang mall ug ang iakumodar mga residente na sa south ug north district.
Sa Agosto 21, 2021 adunay mall registration diha sa Ayala Central Bloc diha sa I.T Park ug mga residente sa north lang ang iakumodar ug ang kataposan diha sa SM City Cebu karong Agosto 28, 2021 ug Septiyembre 4, 2021 alang sa mga residente sa south ug north district. Sa mga mall registrations aduna kini special registration alang sa senior citizens ug Persons With Disability. —BDB (BANATNEWS)
- Latest