5 ka drug suspect sikop sa managlahing operasyon
CEBU, Philippines — Tulo ka drug suspect apil na ang usa ka minor ang nasikop atol sa buybust operation sa mga sakop sa Provincial Intelligence Unit (PIU CPPO) kagahapon sa kadlawon diha sa Sitio Little Baguio, Brgy. Candulawan, Talisay City, Cebu.
Ang mga suspek giila nga sila si Brian Betonio Padoncillo 20,Garry Betonio Parba, 20 ug usa ka 17 anyos nga lalake.
Nasakmit ang 22 ka gramos nga shabu nga gibana-bana nga mokantidad og 149,600.00.
Samtang usa ka ginang ug usa ka E-bike drayber ang nasikop human namaligya og ginadiling drugas didto sa sitio Mahayahay, Barangay Cansojong, Dakbayan sa Talisay niadtong Martes sa gabii.
Ang subject sa buy bust operation mao si Ma. Nelly Torremocha, 55 anyos, minyo nga nagpuyo sa maong lugar.
Ang kauban niini mao si Christian Codera, 23 anyos nga usa ka E-bike drayber. Ang grupo sa Drug Enforcement Unit (DEU) sa Talisay nakadungog na sa pangalan ni Torremocha hinungdan nga ila kining gipanid-an.
Nakuhaan kini og drugas lakip na ang iyang kauban nga si Codera.
Ang mga dinakpan gibalhug na sa bilangguan nga gikatakdang pasakaan og kaso. —Gabriel C. Bonjoc (BANATNEWS)
- Latest
