Ama-ama sa batang gipasuyop ipatawag
CEBU, Philippines — Ama-ama sa mga batang na-rescue sa National Bureau of Investigation Central Visayas ug Department of Social Welfare and Development sa nilabay nga semana sa Sitio Siphai, Barangay Punta Princesa ipatawag alang sa nagpadayong imbestigasyon bahin sa giingong pagpasuyop sa usa kanila og ginadili nga drugas.
Si Atty. Rennan Oliva, Regional Director sa NBI-7 nga nahinabi sa mga tigbalita miingon nga kinahanglan nilang mahibaw-an unsay gibuhat sa amahan aning mga panahona nga gipasuyop og shabu ang 2 anyos nga anak sa iyang kapuyo kinsa nadakpan atoll sa maong operasyon.
Sa pikas bahin usa ka drug den ang gironda sa mga sakop sa PDEA-7 ug lima ka mga tawo ang nasikop diha sa Barangay Duljo-Fatima sa dakbayan sa Sugbu.
Ang mga nasikop mao sila si Morena Mancao, 39, giingong maoy nagmentinar sa drug den, bana niining si Ricardo Mancao, 51, ug sila si MJ Sombilon, 18; Jolito Racal,41; ug Dante Labajo, 41 mga PUJ drivers.
Nasakmit gikan kanila ang 12 gramong gidudahang shabu ,buy bust money, P490, ug drug paraphernalia.— IBM (BANATNEWS)
- Latest