Sikad Sugbo gipahigayon sa mga bikers sa Mandaue

CEBU, Philippines — Gipasiugdahan niadtong miaging adlaw sa liboan ka mga bikers sa Dakbayan sa Mandaue ang Sikad Sugbo isip sa paghatag og kasayuran sa mga motorista ug mga bikers sa tukma  nga paggamit sa bike lanes.                           

Gitadlas sa mga bikers ang 20  ka kilometros nga gilay-on sa karsada gikan sa Dakbayan  sa Mandaue ug Dakbayan sa Sugbo diin usab gipahimutang sa duha ka lokal nga kagamhanan ang bike lanes nga maoy agianan sa mga nagsakay og bisiklita.

Gawas nga gipamutang ang mga bike lanes gimontar usab sa kagamhanan sa Dakbayan sa Mandaue ang duha ka mga bike repair station.                     

Si Konsehal  Jimmy Lumapas nga maoy chairman  sa committee on transportation sa konseho sa maong dakbayan miingon nga ang mga magsakay og bisiklita mahimong mohapit sa gipahimutang nga bike repair station kon makasinati kini og kakulian sama sa pagpahangin, ug patapak sa ligid nga walay bayad. MEL (BANATNEWS)