Overloading sa mga pasaheroan nabantayan

CEBU, Philippines — Hingusgan sa Cebu City Transportation Office (CCTO) ang surpresa nga mga inspeksyon sa pampublikong  sakyanan tungod dunay mga nabantayang nag-overloading ug wala na mosunod sa heath protocols.

Suma pa sa tigpamaba sa CCTO nga si Paul Gotiong nga nakadawat sila og daghang reklamo batok sa mga pasaheroang nag overloading. 

Nasita sa miaging adlaw ang pipila ka modernong PUJ nga nagkarga og daghang pasahero, ang uban nagbarog na. 

Nagtigom usab ang mga tinugyanan sa CCTO ug  Emergency Operations Center (EOC) kagahapon sa hapon ug gihisgotan ang dugang mga pamaagi sa pagsumpo sa mga badlungong mga drayber.

Moabot ngadto sa P1,000 ang multa sa overloading. —IBM (BANATNEWS)