SKF niduso og ordinansahon alang sa vendors commission

CEBU, Philippines — Niumol og ordinansahon ang pangulo sa Sangguniang Kabataan Federation (SKF)- Cebu City Jessica Resch kabahin sa pag-establisar  og Vendors Assistance and Services Commission.

Base sa proposal, ang maong commission ubos kini sa office of the mayor pinaagi sa Department of Welfare and Urban Poor (DWUP).

Tumong niini ang pag-umol og regulasyon sa pagpamaligya diha sa sidewalk ilabi na sa haom nila nga lugar sa siyudad.

Ang maong ordinansahon giduso kini ngadto sa Committee on Laws, Ordinances, and Styling aron ipaubos sa review. Ang  Vendors Assistance and Services Commission langkuban kini sa chairman sa Committee on Markets sa konseho sa Siyudad sa Sugbo, head sa Prevention, Restoration, Order, Beautification, and Enhancement (PROBE) team, City Planning, Cebu City Transportation Office, Cebu City Health Office ug uban pa.

Moumol ang commission og mga polisiya ug programa alang sa vendors ug kini usab ang mohatag og accreditation niini. Mag-manitor usab kini alang sa pagmentinar sa disiplina diha sa mga area sa vendors.

Kinahanglan usab nga i-display kanunay sa vendors ang giisyu nga certificates  sa commission. BDB (BANATNEWS)