Ordinansa alang sa libreng internet napasar sa konseho
CEBU, Philippines — Nipasar ang Konseho sa Siyudad sa Sugbo og ordinansa nga mag-establisar og libreng wireless internet access program sa tanang pampubliko ug pribadong educational institutions nga lakip na ang state colleges ug mga unibersidad dinhi sa siyudad.
Si Konsehal Eduardo Rama, Jr. ang nag-sponsor niini nga nag-ulohan og “Wireless Internet Access Ordinance in the City of Cebu.”
Tumong niini nga makabaton ang mga tinun-an og tulin nga access sa impormasyon ug serbisyo nga dunay kalabotan sa learning materials.
Nalatid sa Section 6 sa ordinansa, nga ang tanang educational institutions kinahanglan mag-umol og Information and Communication Technology (ICT) Centers.
Sa maong pamaagi, dunay makatutok sa maong butang. Kinahanglan nga maka-acces sa wireless internet connection ang mga naka-enrol nga tinun-an,faculty members ug mga non-teaching personnel.
Mogama lang og rules ug mga regulasyon ang matag institusyon kalabot sa maong programa.
Nahisgotan usab sa Section 9 nga dili mangayo og bayad ang eskwelahan sa gitanyag niini nga wireless internet services.
Kinahanglan matud pa kini nga i-andam daan 30 ka adlaw sa dili pa buksan og balik ang physical classes. —MEL (BANATNEWS)
- Latest
