International flights balik sa NAIA
CEBU, Philippines — Gibalik na sab ngadto sa Manila ang mga inbound international flights sa Mactan Cebu International Airport (MCIA) aron matuman gyud ang guidelines nga gimando sa Inter Agency Task Force for the Management of Infectious Diseases alang sa mga mangabot nga overseas Filipino workers ug returning overseas Filipinos.
Ang mga abyon nga unta sa MCIA motugpa adto nalang patugpahon og balik sa Ninoy Aquino International Airport hangtod sa Hunyo 12, 2021.
“To ensure that upon resumption of international flights to the Mactan-Cebu International Airport (MCIA), the travel and testing protocols approved by the Inter Agency Task Force for the Management of Infectious Diseases will be fully and seamlessly implemented. This Office hereby extends the diversion of international flights bound for MCIA to the Ninoy Aquino International Airport until 2359 H of 12 June 2021,” pagbasa sa memorandum nga gipagawas ni Executive Secretary Salvador Medialdea.
Ang maong kamandoan nigawas niadtong Hunyo 5, 2021, usa ka adlaw sa wala pa hingpit nibalik ang international flights sa MCIA ug nidesisyon ang Probinsya sa Sugbo nga ang “swab upon arrival policy “ niini mao ra gihapon ang ipatuman sa Probinsya alang sa mga OFWs ug ROFs.
Ang polisiya sa Sugbu pinasubay kini sa provincial ordinance nga gipasar sa provincial board nga nisagop sa Executive Oder ni Gob. Gwendolyn Garcia .
“We will study our position, as duly elected and accountable officials of the Province of Cebu. We all must adhere to the rule of law,” matud ni Garcia.— IBM (BANATNEWS)
- Latest
