MCPO nakabaton na og 600 ka hand held radios
CEBU, Philippines — Nakabaton na karon og 600 ka hand held radios ang kapolisan sa Mandaue City Police Office (MCPO) human ang kagamhanan sa siyudad nidonar og 240 ka hand held radios.
Gumikan niini ang tanang 500 ka personnel sa MCPO ang naghupot na og tagsa ka hand held radio.
Si Police Colonel Jonathan Abella, direktor sa MCPO nagkanayon nga kaniad aduna lang silay 260 ka hand held radio.
Kini ang hinungdan nga matag polis nga mo-off duty itugyan ang ilang gihuptan nga handheld radio ngadto sa laing polis nga mopuli sa pag-duty.
Apan karon pwede na nga madala sa mga polis sa ilang balay inig- off duty nila ang hand held radio nga gitugyan kanila.
Si Mayor Jonas Cortes nagkanayon nga ang kagamhanan sa Dakbayan sa Mandaue naningkamot sa pag-abag sa kapolisan alang pagpatunhay sa kahapsay ug kalinaw.
Matud ni Cortes nga ang matag polis nagbaton usab og kaakohan sa hand held radio nga iyang gihuptan lakip ang maintenance niini.
Nasayran nga sa niaging tuig ang kagamhanan sa siyudad nidonar usab kini og 11 ka SUV nga sakyanan ug 22 ka Yamaha N-Max nga motorsiklo sa tuyo nga mahingusgan pa sa MCPO ang police visibility. BDB (BANATNEWS)
- Latest
