Tabo sa City Hall dili una itugot
CEBU, Philippines — Si Cebu City Mayor Edgardo Labella dili una motugot sa tabo diha sa Cebu City Hall aron nga malikayan ang pagtapok ug malikayan usab ang pagkatap sa COVID-19.
Sayo pa, si Joey Baclayon pangulo sa Cebu City Agriculture Department nibutyag nga nag-over supply ang produkto sa utanon sa siyudad hinungdan nga barato ra ang presyo sa kada kilo sama sa repolyo, lettuce ug kamatis.
Usa sa ilang nakita nga pamaagi aron matabangan ang mga mag-uuma sa 28 ka bukirang barangays sa siyudad mao nga mohangyo sila sa Inter-Agency Task Force(IATF) nga tugotang makapahigayon sila og “Tugbong Tabo sa City Hall” sa adlaw’ng Miyerkules, Huwebes ug Biyernes.
Apan si Labella nagkanayon nga adunay direktiba na usab nga gipagawas ang national government nga likayan ang mass gathering. —BDB (BANATNEWS)
- Latest